Apne Hothon Par Sajana Chahta Hoon

Apne Hothon Par Sajana Chahta Hoon 

Apne Hothon Par Sajana Chahta Hoon

Aa Tujhe Mein Gun-Gunana Chahta Hon

Koi Aansoo Tere Daman Par Gira Kar

Boondh Ko Moti Banana Chahta Hon

Thak Gaya Mein Karte Karte Yaad Tujhko

Abh Tujhe Mein Yaad Aana Chahta Hon

Jo Bana Baa-yyes Meri Nakamiyon Ka

Mein Usi Ke Kaam Ana Chahta Hon

Chah Raha Hai Sari Basti Per Andhera

Roshni Ko Ghar Jalana Chahta Hon

Phool Se Paiker To Nikle Be-Murawat

Mein Pathron Ko Azmaana Chahta Hon

Akhri Hichhki Tere Zaano Pey Aaye

Maut Bhi Mein Shayiraana Chahta Hon

Reh Gayi Thi Kuch Kami Ruswaiyoon Mein

Phir "Qateel" Us Darr Pe Jana Chahta Hon

Qateel Shifai

Apne Hothon Par Sajana Chahta Hoon lyrics 

Qateel Shifai