Uth Meri Jaan Mere Saath Hi Chalna Hai Tujhe

Aurat

Uth Meri Jaan Mere Saath Hi Chalna Hai Tujhe

Uth Meri Jaan Mere Saath Hi Chalna Hai Tujhe

Qalb-e-Mahool Mein Larzaann Sharar-e-Jang Hain Aj

Hously Waqt Ke Aur Zeest Ke Yak-rang Hain Aj

Aab-geenon Mein Tapaan Walwale-e-Sang Hain Aj

Hussn Aur Ishq Ham Aawaaz-o-Hum-ahang Hain Aj

Jis Mein Jalta hon Usi Aag Mein Jalna Hai Tujhe

Uth Meri Jaan Mere Saath Hi Chalna Hai Tujhe

Zindagi jahd Mein hai, Sabar ke Qaboo meN nahiN

nabz e hasti ke lahu kaanpte aansoo Mein Nahin

Udne khule Mein Hai Nakhat, Kham-e-Gesoo Mein Nahin

Jannat Ek Aur Hai Jo Mard Ke Pahlu Mein Nahin

Us Ki Aazad Ravish Par Bhi Machalna Hai Tujhe

Uth Meri Jaan Mere Saath Hi Chalna Hai Tujhe

Qadar Abtak Teri Tareekh Ne Jani Hi Nahin

tujh Mein Sholay Bhi Hain Bas Ashk Fashani Hi Nahin

Tu Haqeqat Bhi Hai Dilchasp Kahani Hi Nahin

Teri Hasti Bhi Hai Ek Cheez Jawani Hi Nahin

Apni Tareekh Ka Unwaan Badalna Hai Tujhe

Uth Meri Jaan Mere Saath Hi Chalna Hai Tujhe

Todd Kar Rasm Ke But Band-e-Qadamat Se Nikal

zoof-e-Ishrat Se Nikal Vaham-e-Nazakat Se Nikal

Nafs Ke Kheenche Howe Halqa-e-Azmat Se Nikal

Qaid Ban Jaye Mohabbat To Mohabbat Se Nikal

Raah Ka Khaar Hi Kya Gul Bhi Kuchalna Hai Tujhe

 Uth Meri Jaan Mere Saath Hi Chalna Hai Tujhe

Todd Ye Aazm Shikan Silsila-e-Pand Bhi Todd

Teri Khatir Hai Jo Zanjeer Wo Saugand Bhi Todd

Tooq Ye Bhi Hai Zamma-rud Ka Gulu-Band Bhi Todd

Todd Paimana-e-Mardan-e-Khiradmand Bhi Todd

Ban Ke Tufaan Chalakna Hai Ubalna Hai Tujhe

Uth Meri Jaan Mere Saath Hi Chalna Hai Tujhe

Tu Falatoon-o-Arastu Hai To Zohra Parveen

Tere Qabze Mein Hai Gardoon Teri Thokar Mein Zameen

Han Utha Jald Utha Paa-e-Muqadar Se Jabeen

Main Bhi Rukne Ka Nahin, Waqt Bhi Rukne Ka Nahin

Ladd-Khada-Yegi Kahan Tak Ke Sanbhalna Hai Tujhe

Uth Meri Jaan Mere Saath Hi Chalna Hai Tujhe

Kaifi Azmi